قیرمیزی آلچا چیچک‌لری تؤکنده، اؤلدو آغا
آغا سسله‌ریک سسله‌ردیک.بخشعلی
وکیل جولفانین مشروطه فدایی‌سی‌نین دؤردونجو اوغلودو اوغلویدو.17یاشیندا
تهرانا گئیدیب.28مرداد کودتاسی‌نینی یاخیندان گؤروب دئییردی.تهران‌دا ارتش
بیمارستانین تیکیلمه‌سینده مهمار(سیز اوخویون تکنسین) کیمی چالیشیب. آقا بیر
یئرده قالماغی چوخ سئومیر .نئچه ایل سورا قاییدیر جولفایا.اوردان ایشله‌مه‌یه باکی
و سونرا موسکوا گئدیب.بیرآزجا روسجا باشارار باشاراردی.اوردا اؤیرنیب.باکی‌دا
نفت اسکله‌لریندن خاطره‌لر تعریف‌له‌ییر.آقا بیر یئرده قالماغی چوخ سئومیر.ائوله‌نیر.گئدیر
تبریزه.ارتش خیابانیندا بانک ملی قاباغیندا کافه آچیر.تبریزین 29بهمنینیندن خاطره‌لر
دئییر.انقلاب اولاندا باغلاییر کافه‌نی.ساتیر قارداشینا.اکینچی‌لییه مشغول اولور.ایله‌شیب
ایلشمیشدی رنگی قوپموش کهنه بیر لهستان صندلی‌سینده قیرمیزی آلچا آغاجینین کؤلگه‌سینده
اووجونو دولدوروب قیرمیز آلچایلا.گؤتور یئه اوغلوم.گؤتوروب یئییرم.ترش‌دی دیش‌لریم
قاماشیر.گؤزلریمی قیسیرام.گولومسه‌نیر گولومسه‌نیردی.هئی لبه‌دار بؤرکونو ایسته‌رم
آلام قویام باشیما.وئرمیر.یالاندان آغلاماغا باشلیرام.بورکونو گؤتورور قویور
باشیما.هئچ یئری گؤرمورم.بوتون اوزوم قالیب بورکون آلتیندا.گؤتورور.
ایشقافی آچیر.«وایییییییییی نه قدر کراواتین وار آغا»دئییرم.دئییر هله چوخون
آنان(بویوک آنام) بیربیرینه باغلاییب شریت ائله‌دی.گولومسه‌نیریک.گولومسه‌نیردیک.
سورمه‌ای بیر بارانی‌سی وار.گؤزوم دوشور اونا.دئییرم آغا هارا مالیدی؟دئییر
روسکا.40ایلدی ائله بیل ایندی تیکیلیب.دئییرم گییه بیلم؟دئییر سنین اولسون.دئییرم
یادگار؟دئییر یادگار.
گؤزلریمی قیسیرام.دیلیمی یاپیشدیریرام داماغیما.آغا قیرمیزی آلچا نیه قیرمیزی
آلچادی.نیه گؤی دئییل دئییرم.دئییر اونو اکنده سو یئرینه شراب‌لا سووارمیشام .حتمن
اوتانماخدان قیزاریب دااا گولومسه‌نیر گولومسه‌نیردی.
قیرمیزی آلچا چیچک‌لرینی تؤکور.قیرمیزی آلچا چیچک‌لرینی نیه تؤکور
سوروشورام.آغا اوتاق‌دا اوزانیب.نئچه هفته‌دی یئرینده اوزانیب.آغا بیر یئرده
قالماغی سئومز.آغا یومورگوزلرینی.کیشی‌لر آرواد‌لار گلیر.آغلیرلار.آغانی تخته
اوستونده حیط‌ده قویورلار آلچا آغاجینین کؤلگه‌سینه.آغانی باهاردا یئره
اکیرلر.اوستونه داش قویورلار.تورپاق توکورلر.قیرمیزی آلچا چیچک‌لری سپیلیر
تورپاغین اوستونه.
آغا اووجونو آچیب دئییر دئیه‌یردی آلچا گؤتور یئه.قیرمیزی آلچا.
حرف لر / کلمه لر / شعر / یاغیش