| تبليغات | X |
|
|
|
Aydın Arazın türkcə şeir və yazı odasi |
|
نئچه شعر" احمد فرحات "، لیبنانلی شاعر دن چئویرن*:آیدین آراز هله گؤودمده اؤلوم اوچون یئر وار گل! شراب قادینی ایلهن گل قاباغا قوی یئر کهنه قوخوسونو ایتیرسین و هاوا آلولاری منیمسهسین! منیم کندیم هاچان گؤرورم، سحر یاغیشینی اوولایان یالانچی گونشی گؤرورم سانکی اوندا میشیل میشیل چوبانلیق ائدیر بوتونلویومو بویالار ایچینده
.... قبریستانا اوز دؤندریرم تلهسیکجهسینه آتامین قبریندن قالخان آغ بیر قوشو سینهمده اوتورتماق اوچون 2 آیدینلاشدی منه! دونیا، یونانلی بیر سارساقلامیشدی بیریسی اوبیرینی اودور! نسنهلر قایتاریلیر دیللر آغیزلاردان ساللانمیش یاراماز بوغ لاریلا سؤز اوغورلاماغین حدسیزلییندن!
*بو شعرلر، فارسجادان چئوریلمیش دیر latincəsini ardından oxuyun
+
یازیلدیدوشنبه 25 آذر1387 Aydın Araz©
|
گئج ده اولموش اولسا بیر خبر: ۱."شاعر کیان خیاوین ۲ کیتابی ایشیق اوزو گوردو" ۲.سئویملی اوخوجولار نئچه هفته اونجه بیر شعر ائشیتدیم بو یاخینلیقلاردا تانیش اولدوغوم گنج بیر شاعردن! اونون وئبلاقی یوخ. بوتون های کوی لردن ایراق دا یازیر.۲۰ یاشلی " بهمن ارک"ی دئییرم ایسته دیم شعریله یاغیشین هاواسی نی یئنیله دم. قبول ائله دی! اونری لرینیز من و بهمن اوچون سئویندیریجی اولا بیلر.
دایان مادمازئل یئل اسیر الهی ! اویون وئریر آلا – دونو وحشیلندیریر اولکر اینک لری اورک لرده نئیله ریم تاپدانير منده کی اورکده کؤنلومون چاخچاخاسینی چیرپان مادمازئل سونرا باخیشینی شیلتاق اوشاق کیمی قاچیرتدیران مادمازئل یئری گلیم دالینجا شاهلانیرام گؤلگن آیاقلاریما دوشنده. البت گونشده گؤلگنی چکیر . . . اوزالدیر قوپارتسین باشیمدان تاجیمی سالسین یئری گلیم دالینجا دستمال ائله آپارمنی یانینجا بو پوزلو شهرده هله قالیر چاتما قاشلارین هله آلینمايیب او قاشلاردان آذربایجان
بوراسی خلوتدیر دایان مادمازئل بودونیا کی تپدن دیرناغا دردیدیر مادمازئل بو شهرده اینسان اوقدر یاشاییشی اونودور کی اؤلور دایان اوقدر اوتاندیراق آغاشلاری قیزارسین آلمالاری قیزارسین دام دوواردان بویلانان اوزوم سالخیملاری دایان مادمازئل دایان سومويه دایانمیش بیچاق کیمی دایان کئفلی اینسان لارین جانیندا دایانمیش ویجدان کیمی دایان سؤزون دوزو سنسیز او قدر یانلیز اولورام تانریلاشیرام مادمازئل . .
بهمن ارک – 1387
+
یازیلدیدوشنبه 11 آذر1387 Aydın Araz©
|
|
