| تبليغات | X |
|
|
|
Aydın Arazın türkcə şeir və yazı odasi |
|
چاغری یوخسان شعیر؟ سنه اوره ک وئردییمی بیلیبسن البت بو آخشام بیر بیزه طرف گلرسن چانتان قورخو دولو گؤزللیک دولو اونوتمت گلرسن تورپاق سویوقدور بهروز صدیقی "یالقیز آغاج دوستلوغوندا" کیتابیندان 10 گونده ن آرتیق بلکه ده چوخ نئته باغلانمامیشدیم . آنجاق یاغیشی یازین اورتا آییندا بئله جه بوراخدیغیمدان سئوینجلی دئیلدیم هر گلدییم دؤنه یه تای اؤنجه اوخوجو لار باخیش لارینا باخیردیم ساغ اولسونلار .......... اوسته یازدیغیم شعیر بهروز صدیقی نین کیتابیندان دیر تهراندا کیتاب سرگیسیندن آلدیم بیزیم دیلده یازیلان کیتاب لاری یالنیز ایکی غورفه ده گؤرمک اولاردی مندن ده یاخچی بیلیرسینیز اندیشه نو واختر یایین ائولری اورادادا نیسگیل داشییریق بیز لر نده نینی بیلر بیلمز واز کئچمک لازیم......
+
یازیلدیسه شنبه 26 اردیبهشت1385 Aydın Araz©
|
سئومزدیم شئعیر لریمده ن باشقا ایلگیله اوخوجولاریما باغلانیم آمما او دا بیر یازی دیر سئومزدیم بوگون یازدیغیم کیمی یازیم یازیرسام دا ایسته مزدیم نئت دونیاسینا بوراخیم آمما او قدر اوتاغیمین بوغازینا تیخیلمیشام کی آز قالیر بوغولا من بئله لیک له اوتاغیمی قورتاریرام اولومده ن . .نادر ازهری دئمیشکن: بیر نفر آدی اینتحار ایله شیب صندلیمده گودور فینجانیم الینده قوروموش . . یوخ چکدیگیم آجی لار حاییف دیر اومود سوز سئوه جه یم کولومده ن بیته جه یه م بلکه بو ائله اومود دور . بیر نفر آدی باهار ایله شیب صندلیمده گولور سیزی چاغیریرام سیز ده یاغیشی یازین اینانیرام یازمالی و یاشامالی دیر یاغیش.......... گوزله ییره م، گوزله یین
+
یازیلدیدوشنبه 11 اردیبهشت1385 Aydın Araz©
|
سلام من آیدین آراز و سیز یاراتیغیم یاغیش دا آتدیم آتانلار بوگون یاغیشیمین 14آیلیغی دیر،بلکه دئیه سینیز کی نده ن آد گونو ن ایکی آی سونرا توتورسان اوندا دئیره م کی هردن بیر شئی لر بئله جه راحات اونوتولار بیریسی ده بو. آما من بیرینجی کره دیر کی شئعیرلریمده ن ایراق یاغیشا گلیره م بلکه داریخمیشیدیم آنجاق رومانتیکلیی ده چوخلاری کیمی سئومیره م قورخماسام دئیه رم کی بزدییم شئی لردن بیریسی رومانتیک لیک دیر.من بورادا یالنیز اوخوجو قازانماق اوچون یوخ بلکه اوخوجولاریمی تاپماق اوچون چیخیشدایدیم نده ن کی: 1.ائشیک ده ادبی درنک آدلانان بیر یئرلر ده شاعیر و شئعیر و چوخ تاسف له ادبیاتچی دان سونرا هر نه گؤردوم اورالاردا سنی آلقیشلامالار شئعرینه گؤره یوخ بلکه ساچلارینین نئچه اولدوغونا گؤره بلکه ده اونلار سئون کیمسه لرین آ دینی گتیرمه یینده ن آسیلی دیر 2.بلکه کیتاب چیخاردان دوستلا ر ینین پیس تجربه لری هله خاطیرینده ن چیخماییب مگر سن یازدیغین دیلی نئچه نفر اوخویوب یازا بیلیر اونلاردان نئچه سی ادبیات اوخوجولاریدیرلار،نئچه سی سن یازدیغین ژانری سئویرلر اونلار چوخ آزدیر لار و سن تام غوربت ده سن 3.اولسون یاغیش بو بیر ایلده دن ایکی آی چوخ دا 2000دن آرتیق قوناغی اولوب اونلار نئچه سی یالنیشجاسی آختاریشلاردا بورادا باش چیخاردیب لار نئچه سی تانیش لاریندیلار کی آدرئسینی اؤزلرینه وئردیک ده ن سونرا بورایا گلیب لر نئچه سی ............... نئچه سی تورکی وئبلاگ لاری آختاردیقلا یاغیشی تاپیب اؤز مییلی حیس لرینی بوشالدیبلار وئبلاگینا ونئچه سی اوخویوبلار یاغدیردیغین یاغیشی و یازدیقلارین اوچون باخیش لارینی ائلان ائدیب لر یاخود دئمه ییب لر کی منه ده باش وور ............. باخ آیدین آراز هر نه سن اؤزونه بو قدر شاعیر،بیریسی ده سن،نه قدر قاش قاباقلی باخیرسان دونیایا هامی بئله دیر دا.... ومن اینانیرام کی : بیز بیر رسسامین چکدییی حسرتیک گولوم...... ونئچه ایل اونجه یازدیغیم بو شئعیر ----------------- بیز حسرت نو ت لاییریق گولوم بیز بیر رسسامین چکد ییی حسرتیک گولوم سسیمیز سوسوموز وسئوگیمیز بیر اوشاغین گیزلی سیگارا چکدیگی قدر تهلیکه لی دیر بیزی کورپه لیک ده قارا بله یه بلییب لر گولوم وبئشیگیمیز ده تابوت مشقی اویردیب لر بیزه اوز دیرناق لاریمیز لا بئله اوز دریمیزی سویوبلار یالان هایقیریقلاریمیزلا کئفلندیریبلر بیزی سویوق تریمیزی توپراقیمیز اودوبدور ساغیمیز دا خنجر بئلینده کی لر سولوموزدا قولاغی توک لولر سان گئدیر گولوم وآرادا ازیلیریک بیز بیر یومروق کیمی بویله دیر بیزده ازگین لیک دونه نیمیزی خمیر کیمی اوینادیر لار اللرینده بوگونوموزو کونده له ییر لر صاباحیمیزی یاپماق اوچون بیز بورادا گولوش لریمیزی یامسیلامالییق اونلاردان وآغلامالاریمیزی گیزلت مه لییک گولوم توپورجه ییمیزی اوتماغا قورخو چیچه یی گویریر بوغازیمیزدان اللریمیز زنجیر لرله آداخلانیب سانکی بیز حسرت نو ت لاییریق گولوم یازیلمیشیق آلنیمیزدا کی قیریشلارا بیز... .... Aydın Araz یازدان بیر آی کئچمیش ویازی دان هله قالیر
+
یازیلدییکشنبه 3 اردیبهشت1385 Aydın Araz©
|
|
