|
|
|
Aydın Arazın türkcə şeir və yazı odasi |
|
یوخام سانکی یوخویموشام هئچ نه سسیم قالیب نه سؤزوم کیمسه خاطیرلایا بیلمیر منی، دیرناق اوجو قدر بئله سئودیکلریم ده سئویلدیکلریمده اینجیددییم آدام، قیردیغیم جام یووالارینا سو توکدویوم قاریشقالارین دا یادداشتیندان پوزولموشام من یازدیغیم مکتوبلار پوست قوطوسونون بوجاغیندا ایتیر گوندردییم مئساژلارسا اوغورسوزجاسی یولدا قالیر تئلئفون نومرهم سیللینیب یئر اوزوندن یوخام اؤلولر کیمی ده یوخ(کی اونلارین اعلانی،مزاری ،داشی اولار) دؤشلری دولو سولو بولود لار کیمی کی یوخ!، باغری چاتلامیش قورو زمیلر کیمی ده دئیلم (هئچ نهیی گؤزلهمهییرم حتی مثلا یاغیشیدا) نه گؤزلهنیلن بیر موسافیر کیمییم نه ده گؤزلنیلمز بیر وای خبری کیمی یوخام و بو اولدوقجا چاشتیریجی دیر بویلو اولمایان قادینی چاشتیران بیر سانجی کیمی آیدین آراز
+
یازیلدیجمعه 5 تیر1388 Aydın Araz©
|
خیابانلار گمیچی سی۲ شمس لنگرودی دن بیر شعر ترجمه: آیدین آراز یئرین گؤزلریدیر گؤللر بوغازیندا دویون دور داغ وولکان بیر نئچه سؤیلهنیلممیش سؤز یئرین دامارلاریدیر چایلار. آغاج باهارین چارتلایان گولومسهمهسی دینجلیکدن دیر پنجره لر قاباردی گزه گن لر بلوردان اولان گئجه اوچوشانلاری بولود اوچاقلار نفسیندن یارالانمیش گؤیه ،باسیلمیش پامبیق بؤیویوب، الیمیزدن اوزولن اوشاق یانا بیر شوخلوغویدو یاشام منایسه یوخو گؤرموش معمارجیغام دوزنلهمک ایستهییرم دونیانی سیز گلمهدن اؤنجه گؤروم نئیلهمک اولور. *گزه کن لر :سیاره لر ** سئویملی دوستلاریمین بعضی اونردیکلری دئیشیک لر بو چئویرمه ده اونو ایلک یاییمیندان فرقلندیریب رسول يونان و معرفي پدر شعر نو ترك در ايران تیکلایین
+
یازیلدیپنجشنبه 20 فروردین1388 Aydın Araz©
|
بو یاخینلیق دا سؤزون سؤزو آدلی ادبیات اوزره بیر سیته آچیلیب دیر.چالیشقان ادبیاتچی دوستلار اورادا ادبیات اوزره بحث لر آپارماق دادیرلار.آرتیق تانییب حضور تاپماق ایسته سه نیز بورانی تیکلایین
"آغاجلار دونیانی گؤرمه یه یئریمزلر بوی آتارلار" یوخاری دا یازیلان کیچیجیک یازی بهمن ارکین او گون منه اوخودوغو شعریندن بیر بؤلومدی.یادیمدا قالدی .بو شکیلی ده گؤروب خاطیرلادیم.
+
یازیلدیشنبه 24 اسفند1387 Aydın Araz©
|
Bazen acı dinmez Yusuf Hayaloğlu "بو دا آیریلارکن سنه سون هدیه م اولسون" *یوخاری دا کی پوستر آیخان علی زاده نین اثریدیر. ------------------------------------------------------------------
+
یازیلدیسه شنبه 13 اسفند1387 Aydın Araz©
|
اؤیکوجوک فرمانده بارماقلارینی بیغلارینا چکرکن دئدی : آرخادان گولله لنن لر، جاناوارلارا یئم اولاجاق لار،اؤنده ن گولله یئینلرایسه شهید دیلر و خالق قهرمانی،سون نفسه جن دؤیوشه جه ییک. دؤیوش بیتدیکدن سونرا بوتون جنازه لر آمبولانسلارلا شهره قایتاریلدی.تکجه فرمانده هین جنازه سیندن سونرا. آیدین آراز
+
یازیلدیپنجشنبه 17 بهمن1387 Aydın Araz©
|
|
